ნიმუშები ამოსაბეჭდად

მნიშვნელოვანი მითითებები:

ჩვენ შევკრიბეთ ბეჭდვისთვის განკუთვნილი ნიმუშები, რომლებიც საგანგებო სიტუაციებში, ანუ დეპორტაციის პროცესის დროს შეიძლება გამოიყენო. თუმცა ჩვენ გირჩევთ, გამოიყენოთ განცხადებები და მინდობილობები, რომელსაც ადვოკატები ან საკონსულტაციო ცენტრები გასცემენ , რასაც ინდივიდუალური შემთხვევის მიხედვით ამზადებენ. ნიმუშები ხელმისაწვდომია მხოლოდ გერმანულად.

საჩივარი სახლის ჩხრეკის წინააღმდეგ

დეპორტაციების დროს პოლიციას დაზარალებულთა ბინებში მხოლოდ შესვლის და არა ჩხრეკის უფლება აქვს. ბინად ითვლება ასევე საერთო საცხოვრებლის ოთახიც. თუ პოლიციელებმა რომელიმე პირის საძებნელად ბინაში შესვლა გადაწყვიტეს, მათ სჭირდებათ სასამართლოს ჩხრეკის განკარგულება, რაც მათ ხშირად არ აქვთ. მათ აქვთ ჩხრეკის უფლება განკარგულების გარეშე მხოლოდ იმ შემთხვევაში თუ არსებობს „მაშტაბური საფრთხე“, რაც ნიშნავს, რომ მაგალითად ვინმეს აქვს იარაღი და თვითმკვლელობის ან სხვისი მკვლელობით იმუქრება.

სასწრაფო განაცხადი

დეპორტაციის პროცესის დროს სასწრაფო განაცხადი შეიძლება იქნას ადმინისტრაციულ სასამართლოში შეტანილი. ეს აუცილებლად უნდა გააკეთოს პასუხისმგებელმა ადვოკატმა! ეს ნიმუში მხოლოდ მაშინ უნდა გამოიყენოთ, როცა სხვა გზა არ არსებობს, იგი უნდა გაგზავნოთ ადმინისტრაციულ სასამართლოში ფაქსით; ასევე დაურეკოთ სასამართლოსა და მონაწილე უწყებებს, ანუ იმ მიწის სასამართლოს და ფედერალურ პოლიციას სადაც ცხოვრობთ , რომ განაცხადი შეტანილია და რომ შესაძლოა დეპორტაცია შეჩერდეს. სასწრაფო განაცხადს ასევე სჭირდება დანართი, რომელიც ინდივიდუალურად უნდა შედგინდეს დაზარალებული პირისთვის ან ოჯახისთვის. აქ უნდა აიხსნას დეტალურად მიზეზები, რომლებიც დეპორტაციის წინააღმდეგ მიუთითებს. მაგალითად, სერიოზული დაავადება, დარჩენის უფლება (მაგალითად: სწავლა, მდგრადი ინტეგრაცია) ან ოჯახის ხანგრძლივი განცალკევება და ა.შ. ამ მიზეზებს ასევე დამტკიცება სჭირდება.

მინდობილობა

საუკეთესო შემთხვევაში ადვოკატებს ან საკონსულტაციო ცენტრებს აქვთ თქვენი მინდობილობა. საგანგებო სიტუაციაში შეიძლება მინდობილ პირად დაინიშნოს მხარდამჭერი ან სოციალური მუშაკი. მინდობილობა შეიძლება დაეხმაროს იმაში, რომ მათ შეიტანონ განცხადებები, ელაპარაკონ ადვოკატებსა და უწყებებს, ან მოაგვარონ გადაუდებელი საკითხები, თუ დაზარალებულები უკვე პოლიციამ წაიყვანა ან უკვე დეპორტირებულები არიან. გთხოვთ, ზუსტად შეთანხმდეთ მინდობილობის პირობებზე და პასუხისმგებლობით მოეკიდე მას; მიანიჭეთ მხოლოდ იმდენის უფლება რამდენიც საჭიროა.

თავშესაფრის განმეორებითი განაცხადი

ეს განაცხადი უნდა გამოიყენოთ მხოლოდ მაშინ, როცა არ გყავს ადვოკატი ან საკონსულტაციო ცენტრები და დეპორტაციის საფრთხე გემუქრება ან უკვე მიმდინარეობს. თუმცა, განაცხადი უნდა იყოს ხელმოწერილი იმ პირის მიერ და უნდა გაუგზავნოთ BAMF-ს ფაქსით. გაგზავნე ფაქსი შენზე პასუხისმგებელ BAMF-ის ფილიალსა და ცენტრალურ ოფისში. თუ დეპორტაცია უკვე მიმდინარეობს: შეატყობინეთ დეპორტაციის მონიტორინგის ცენტრს და ფედერალურ პოლიციას აეროპორტში, რომ შეტანილია თავშესაფრის განმეორებითი განაცხადი. დეპორტაცია არ შეიძლება დაიწყოს,მანამ სანამ BAMF არ უპასუხებს ამ განცხადებას. ჩვეულებრივ, ისინი პასუხს ატყობინებენ ელექტრონული ფოსტით ან ტელეფონით პირდაპირ ფედერალურ პოლიციას.

სანდო პირები სადეპორტო ციხეში

სადეპორტო ციხეში მყოფ პირებს აქვთ უფლლება დაასახელონ ე.წ. სანდო პირი ადვოკატის ნაცვლად ან დამატებით. სანდო პირი ეხმარება ადამიანს, რომელსაც სადეპორტო ციხეში ხშირად ძალიან ცოტა უფლებები აქვს. მას ასევე შეუძლია შეიტანოს საჩივრები პატიმრობის წინააღმდეგ და მიიღოს საქმის მასალების ნახვის უფლება. სადეპორტო ციხის საკონტაქტო ჯგუფი დრეზდენში არიან მოხალისეები, რომლებიც კონსულტაციას უწევენ და ეხმარებიან სადეპორტო ციხეში მყოფ პირებს.

ფიცით დამოწმებული განცხადება

ფიცით დამოწმებული განაცხადი ცოტა წააგავს მოწმის წერილობით ჩვენებას, სადაც პირი დაიფიცებს რომ ამბობს სიმართლეს. ეს შეიძლება გამოყენებულ იქნას მტკიცებულებად უწყებებში.სიცრუე ისჯება ფულადი ჯარიმით ან პატიმრობით.